Gelinler ogly bolýança çaga dogurmaga mejbur edilýär - çeşmeler

Türkmenistanda dowam edýän ykdysady kynçylyklaryň arasynda, ýaş gelinleriň ýene bir meselesi bar, bu olaryň tä ogul bäbegi bolýança çaga dogurmaga mejbur edilmegi bilen bagly diýip, Azatlygyň çeşmeleri habar berýär. Bu alada, yzly-yzyna birnäçe gyzy bolan gelinleriň egninden agyr ýük bolup basýar, sebäbi olara, günäkär ýa aýyply adam ýaly, gaýynlary, adamsy, maşgaladaky gyzlar we ogly bolan gelinler tarapyndan hem basyş edilýär diýip, anonimlik şertinde gürleşen çeşme aýtdy. Bu alada, aýdylmagyna görä...