Bäherdende bugdaý hasyly pes boldy, daýhanlar geljegi gaýgy edýär

Bäherden etrabynda şu ýyl galla hasyly örän pes boldy, bu ýagdaý bugdaý eken kärendeçileriň köpüsiniň boş ýa bergili çykjakdygyny aňladýar, hojalyklaryň howlularynda ekilen gök, bakja ekinlerine, ýetişip gelýän miwelere hüjüm edýän çekirtgeleriň ýetirýän zyýany bolsa, oba adamlaryna urlan ikinji urgy boldy diýip, Ahaldaky habarçymyz habar berýär. Türkmen metbugaty bir hepde öň, 30-njy iýunda Ahal welaýatynyň gallaçy daýhanlarynyň däne tabşyrmak baradaky şertnamalaýyn borçnamalaryny üstünlikli ýerine ýetirip...