Sygyrlar näbelli keselden ölýär, lukmanlar näsag malyň etini iýmezlige çagyrýar

Daşoguz welaýatynda adamlaryň işikde saklaýan iri şahly mallarynyň näbelli keselçilikden köpçülikleýin gyrylmagy giň gerime eýe boldy, sebitiň weterinar lukmanlary ilaty öljek bolýan mallaryny halallap öldürip, etini iýmekden saklanmaga çagyrýar diýip, Azatlygyň ýerli habarçysy habar berýär. Mal doktorlary mallaryň gyrylmagyny ekologiýa ýagdaýy bilen baglanyşdyrýarlar. Ýurt maglumat üçin doly ýapyk bolansoň, Azatlyk mal keselleri we olaryň mümkin bolan sebäpleri hakynda resmi düşündiriş alyp bilmeýär.