Russiýanyň daşary işler ministri Türkmenistana sapar edýär

24-nji iýunda Russiýanyň daşary işler ministri Sergeý Lawrow Türkmenistana resmi sapar bilen gelýär. Iki günlük saparyň dowamynda prezident Serdar Berdimuhamedow we daşary işler ministri Raşid Meredow bilen gepleşikleriň geçirilmegine garaşylýar. 19-njy iýunda Russiýanyň daşary syýasat edarasynyň metbugat wekili Mariýa Zaharowa saparyň dowamynda “sebitara meseleler, dünýäde dowam edýän ýagdaýlar we iki ýurduň köptaraplaýyn görnüşdäki hyzmatdaşlygy bilen baglanyşykly pikir alyşmalaryň” geçiriljekdigini mälim edipdi.