'Millilik, watansöýüjilik' talaplary güýçlenýär, restoranlarda täze eşik kody girizildi

Türkmen häkimiýetleri millilik we watansöýüjilik talaplaryny güýçlendirip, ozalam zordan güzeran aýlaýan adamlaryň eklenjini kynlaşdyrýarlar, ýöne bu çäre käbir telekeçiler üçin goşmaça gazanç etmek mümkinçiligini berýär diýip, Azatlygyň habarçysy habar berýär. Täze talaplar toýhana, restoran, garbanyşhana desgalaryndan başlanyp, köçelerde ulanylýan hususy awtoulaglary hem öz içine alýar. Balkandaky habarçymyz bu täzeligiň bir hepde gowrak ozal eşidilendigini, ýöne olar barada resmi düşündiriş almak mümkinçiliginiň bolmandygyny aýdýar.