Balkandaky nagt ýetmezçiligi 'bankomatlarda gaýtalanýan näsazlyklardan' görülýär

Günbatar Balkan welaýatynda köp sanly döwlet edara-kärhanalarynyň işgärleri, şol sanda mugallymlar, nebitgaz we aragatnaşyk pudaklarynyň işgärleri, şu günler sebitde güýçlenen nagt ýetmezçiliginiň arasynda, aýlyk zähmet haklaryny bankomatlardan nagtlaşdyrmakda kynçylyk çekýärler. Ýerli ýaşaýjylar dowam edýän ykdysady kynçylyklaryň arasynda aýlyk girdejileriniň, onsuz hem bazarlardaky bahalara bäs gelip bilmeýändigini aýdýarlar. “Balkanabat şäherinde tas hiç bir bankomatda diýen ýaly nagt pul ýok” diýip, sebit ýaşaýjylary aýdýar.