Netanýahu Gaza ynsanperwer kömeginiň gaýtadan goýberiljekdigini mälim etdi

Ysraýylyň premýer-ministri Binýamin Netanýahu halkara basyşyň güýçlenýän we Gaza sebitindäki agyrlaşýan gumanitar ýagdaýlaryň arasynda, bu zolaga ynsanperwer kömeginiň goýberilmeginiň täzeden ýola goýuljakdygyny mälim etdi. Netanýahu 19-njy maýda çap eden wideo-ýüzlenmesinde kömegiň çäklendirilen görnüşde goýberilmegi baradaky kararyň “iş ýüzündäki we diplomatiki sebäplere” esaslanýandygyny aýtdy. Ysraýylyň Daşary işler ministrliginiň beýanatyna görä, duşenbe güni Gaza çaga iýmitli ýük ulaglary ugradylypdyr.