Balkanda pasport üçin nobat indiki ýyla geçdi, 'žeton' düzgüni girizildi

Türkmenistanda daşary ýurtlara syýahat etmek üçin biometrik pasportyna eýe bolmaga isleg bildirýänleriň sany köpelýärkä, migrasiýa gulluklarynda nobatlar artýar. Hususan-da, Balkan welaýatynda pasport nobatlary indiki ýyla çenli uzapdyr, birnäçe aýlyk arakesmeden soň žeton almak düzgüni ýola goýlupdyr. "3 aýdan soň ýene nobatyň döremegi, žetonlaryň girizilmegi adamlary lapykeç edýär. Apreliň başyndan girizilen žeton nobaty gysga wagtyň içinde 2026-njy ýylyň ýanwaryna baryp ýetdi" diýip, migrasiýa...