Gonamçylygyň ýoluny abatlamaga niýetläp, ýokary synp okuwçylardan pul ýygnalýar

Ahal welaýatynyň Babadaýhan etrabynyň Täzeýol geňeşliginden Pälwan hoja gonamçylygyna barýan ýoly abatlamaga niýetläp, obanyň 20-nji orta mekdebiniň ýokary synp okuwçylaryndan adam başyna 30 manatdan pul ýygnalýar diýip, Azatlyk Radiosynyň habarçysy 16-njy aprelde sebitden maglumat berdi. “Gonamçylyga barýan awtoulag ýoluna kerpiç bölejikleri düşelýär. Ulaglar ýagynly günlerde hem palçykda batman, gonamçylyga barar ýaly, okuwçylardan 30 manatdan pul ýygnalýar. Kimiň gurby çatsa, ‘200-300 manada çenli töleg geçirip biler’...