Täjigistanda elektrik energiýasyny tölemezlige jenaýat jogapkärçiligi girizildi

Täjigistanyň Mejlisiniň aşaky palatasy 2-nji aprelde jenaýat kodeksine elektrik energiýasyny bikanun ulanmak we töleglerden gaça durmak bilen baglanyşykly jogapkärçiligi güýçlendirmek maksady bilen üýtgetmeleri kabul etdi. Bu barada ýurduň Energetika we Suw serişdeleri ministrligine salgylanyp, “Asia Plus” habar berýär. Habarda bellenmegine görä, bu üýtgetmeler taslamasy Adalat ministrligi tarapyndan prezident Emomali Rahmonyň 27-nji martda geçirilen hökümet mejlisindäki görkezmesine laýyklykda taýýarlanyldy.