Türkmenistanda häkimiýetler hususy awtoýuwalgalaryň we dükanlaryň onlarçasyny duýdansyz ýapdy

Ahal, Balkan we Daşoguz welaýatlarynda, şeýle-de paýtagt Aşgabatda häkimiýetler gije işleýän hususy eýeçilikdäki awtoýuwalgalaryň we dükanlaryň onlarçasyny ýapyp, olarda barlag geçirýärler. Häkimiýet wekilleri bu çäreleriniň sebäbini “ýokary derejeli döwlet emeldarynyň geçen hepde ýary gije duýdansyz geçiren barlaglary” bilen düşündirýärler. Bu ýagdaýlar barada Azatlyk Radiosynyň habarçysy 27-nji martda Balkandan maglumat berdi. “Ýerli salgyt gullugynyň we polisiýanyň işgärleri dükanlary we awtoýuwalgalary ýapyp...