Lebapda içege ýokançlyklarynyň bir görnüşi köpelýär

Täze ýyl baýramçylygynyň arasynda, Lebap welaýatynda içgeçme we beden gyzgynynyň ýokarlanmagy ýaly alamatlar bilen lukmançylyk edaralaryna ýüz tutýan adamlaryň sany artýar. Gündogar sebitden bolan bir saglyk işgäri bu keseliň içege ýokançlyklarynyň bir görnüşi bolan salmonellýoz keseli bolandygyny aýtdy. Azatlyk Radiosynyň habarçysy lukmançylyk çeşmelerine we ýerli ýaşaýjylara salgylanyp, bu keseliň haçan, nädip we nähili alamatlar bilen ýüze çykyp, ýaýrap başlandygy barada käbir maglumatlary taýýarlady.