Azerbaýjan uçar heläkçiliginiň pidalarynyň hatyrasyna Milli ýas gününi yglan etdi
Azerbaýjan milli awiakompaniýanyň ýolagçy uçary Gazagystanda heläkçilige uçranyndan bir gün soň, 26-njy dekabrda milli ýas gününi belledi. "Azerbaýjan Howaýollarynyň" uçarynyň bortundaky 67 adamyň 38-si wepat boldy. Gazak häkimiýetleri uçardaky 29 adamyň aman galandygyny aýtdylar.
Azerbaýjanyň paýtagty Bakuwdan Russiýanyň Çeçenistan sebitindäki Grozny şäherine barýan “Embraer 190” uçary, adatdan daşary ýagdaý sebäpli, Gazagystanyň günbataryndaky Aktau şäheriniň golaýynda gonmak synanyşygyny etdi diýip, uçar kompaniýasy aýtdy.
Заголовки