Türkmenistanda gar ýagdy, käbir sebitlerde tok we gaz üpjünçiligi kesildi, ýol hadysalary köp boldy

Türkmenistanyň dürli sebitlerinde 14-nji dekabrda gar ýagdy. Käbir etraplarda elektrik energiýasynyň üpjünçiligi kesildi. Çetki obalarda tebigy gazyň üpjünçiliginde hem bökdençlik emele geldi. Ýollar sürçek boldy. Garyň erän ýerlerinde ýerli ýaşaýjylar batga ýollarda kösendi. Azatlyk Radiosynyň habarçylary Lebap, Mary we Balkan welaýatlarynda, şeýle-de paýtagt Aşgabatda hepdäniň ahyrynda bolup geçen ýagynly howa we onuň ýol açan netijeleri barada maglumat berýärler. “Agşam sagat 20:00 töwereklerinde ýel turup, yz ýany gar ýagyp başlady.