Türkmenistanlylar Siriýada Asad režiminiň çöküşini maslahat edýär

Geçen hepdäniň ahyrynda Siriýada gozgalaňçy güýçleriň ýyldyrym çaltlygynda paýtagt Damasky ele geçirip, prezident Başar al-Asadyň maşgalasy bilen ýurtdan gaçyp çykmagy türkmen jemgyýetçiliginde möhüm maslahatlaşmalaryň baş temasyna öwrülýär. “Nesip bolsa, indi Siriýada uly özgerişlere, diňe gowulyga garaşyp bolar!” diýip, maryly ýaşaýjy aýdýar. “Siriýa diktatorçylykdan halas boldy, siriýalylaryň başdan geçiren käbir tejribeleri, belli bir derejede, biziň halkymyzyň reallyklaryna-da çalym edýär” diýip, beýleki bir ýaşaýjy aýdýar.