Türkmen sosial media ulanyjylary özbek bloggerleriniň 'keç ykbalyndan lapykeç bolýar'

Prezident Şawkat Mirziýoýew 2016-njy ýylda häkimiýet başyna gelende, Özbegistanda azatlyklar babatynda emele gelen maýlama arzuwlary ýyllaryň geçmegi bilen ysgyndan gaçdy. Söz azatlygy çäklendirilýän Türkmenistanda hem sosial media ulanyjylary özbek bloggerleriniň ykbalyna alada bildirip başlady. “Megerem, özbek hökümeti hem internet azatlygyny, söz we pikir erkinligini bogmak babatynda Türkmenistandan görelde alyp, ýörite maksatnamalary durmuşa geçirýäne meňzeýär. Hususan-da, soňky iki ýylyň dowamynda...