Ҳамсари як овозхони маҳаллӣ дар Ишкошими Афғонистон кушта шуд

Ҳамсари Абдусалом Мафтун, як овозхони шинохтаи маҳаллӣ дар вилояти Бадахшони Афғонистон субҳи 7 май аз сӯи афроди мусаллаҳ кушта шудааст. Абдусалом Мафтун аз пайвандон ва шогирдони маҳаллихони шинохтаи Афғонистон Мир Мафтун мебошад. Як манбаъ бо фиристодани наворе аз маросими ҷанозаи ин зан гуфт, ки Лайламо бо кӯдаки хурдсолаш ба тарафи бозори вижаи занон дар ноҳияи Ишкошими Бадахшон дар ҳаракат буд, ки ҳадаф қарор гирифт ва пас аз интиқол ба бемористон, ҷон бохт. Кӯдаки ӯ аз ин ҳамла ҷони солим ба дар бурдааст.