Боздошти ду духтари ноболиғ бо гумони ҳамла ба ронанда

Пулиси шаҳри Душанбе ду духтари 15-соларо бо иттиҳоми ҳамла ба як ронандаи таксӣ ва ҳамчунин истифодаи маводи мухаддири навъи "метамфетамин" ё кристал дастгир кардааст. Ба таври мустақилона тасдиқ кардани ин маълумот мушкил аст. Навори ҷанҷоли ин духтарон бо ронандаи таксӣ дар шабакаҳои иҷтимоӣ нашр шуд ва вокунишҳои зиёдро ба миён овард. Раёсати корҳои дохилии Душанбе 25-уми март дар хабарномае навишт, онҳо 23-юми март телефони ронандаи таксӣ Маҳмадёр Отаевро рабуда, гӯшашро газидаву ба ӯ осеб расондаанд.