Гузоришҳо аз партоби ду мушаки эронӣ ба самти пойгоҳи Диего-Гарсия

Рӯзномаи Wall Street Journal ба нақл аз чанд манбаи расмии амрикоӣ гузориш додааст, ки Эрон ду мушаки баллистикӣ ба тарафи пойгоҳи Диего-Гарсия дар Уқёнуси Ҳинд, партоб карда будааст. Бар пояи ин гузориш, ҳеч яке аз ин мушакҳо ба пойгоҳи ҳавоии муштараки Амрико ва Бритониё барнахӯрдааст. Яке дар тӯли роҳ, дар обҳо суқут карда ва як нови Амрико ҳам як мушаки раҳгири SM-3-ро ба сӯи дигарӣ партоб карда будааст, ҳарчанд маълум нест, ки амалиёти раҳгирӣ ва аз байн бурдан муваффақиятомез будааст ё не.