Ҳамла ба бандари Фуҷайра дар Имороти Муттаҳидаи Араб

Ба гузориши "Рейтерс”, баъди ҳамла болои бандари нафтии Фуҷайра дар Имороти Муттаҳидаи Араб ва як муддат боздошта шудани кори он, боркунӣ дар онҷо дубора сар шудааст. Фуҷайра дар халиҷи Уммон дар берун аз гулӯгоҳи Ҳурмуз ҷойгир буда, макони содироти беш аз 1 миллион бушка нафт дар рӯз дониста мешавад. Одатан аз ин гузаргоҳ нафти навъи “Мурбан”-и Имороти Муттаҳидаи Араб берун бурда мешавад ва он як дарсад аз талаботи ҷаҳонро ташкил медиҳад. Барои хомӯш кардани сӯхтор хадамоти ёрии изтирорӣ дар ҷойи ҳодиса кор мекунанд.