Трамп: 32 ҳазор нафар дар эътирозҳои Эрон кушта шуданд

Доналд Трамп, раисҷумҳури Амрико рӯзи 20 феврал гуфт, ки дар эътирозҳои моҳи январ дар Эрон 32 ҳазор нафар кушта шуданд. Ӯ зимни суханронӣ дар Кохи Сафед гуфт, ки "32 ҳазор нафар дар муддати кӯтоҳе кушта шуданд. Барои мардуми Эрон бисёр нороҳатам". Ин нахустин бор аст, ки раисҷумҳури Амрико ба таври ошкор ба шумори кушташудагони эътирозҳои густурдаи ахир дар Эрон ишора мекунад. Дар вокуниш ба ин суханони Доналд Трамп, вазири корҳои хориҷии Эрон Аббос Ароқчӣ аз президенти Амрико хост, ки то дар ин бора "мадрак" пешниҳод кунад.