Кумитаи дин мегӯяд, ифторро манъ накардааст

Кумитаи дин ва танзими анъанаи Тоҷикистон сарусадоҳо дар бораи манъ ё маҳдуд шудани маъракаи ифторро дар кишвар рад карда гуфтааст, ин "хабару овозаҳо асоси воқеӣ надоранд". Дар вокуниши Кумита аз рӯзи 18-уми феврал омадааст, танҳо аз сокинон даъват мекунанд, ки дар вақти гузарондани маъракаи ифтор "ба исрофу зиёдаравӣ роҳ надиҳанд". Дар Тоҷикистон ва дигар кишварҳои мусалмоннишин афроди доро дар моҳи Рамазон маъракаи ифтор гузаронда, ба шахсони рӯзадор ғизо медиҳанд. Ҳафтаи гузашта хабаре дар шабакаҳои иҷтимоӣ нашр шуд...