Додугирифти Тоҷикистон бо Чин $844 млн зиёд шудааст

Додугирифти мол миёни Тоҷикистон ва Чин дар як соли гузашта ба 2 миллиарду беш аз 800 миллион доллар баробар шудааст, ки нисбат ба як соли пештар 844 миллион доллар зиёдтар будааст. Бино ба иттилои Хадамоти гумруки Тоҷикистон, Чин ҳамоно аз рӯи гардиши молу маҳсулот бо Тоҷикистон, миёни кишварҳо дар ҷойи аввал қарор дорад. Тибқи омори ин ниҳод, соли 2025 аз Тоҷикистон ба Чин дар ҳаҷми 523 млн доллар маҳсулот содир шудааст. Ҳаҷми маҳсулоти воридотӣ хеле зиёдтар, беш аз 2 миллиарду 325 миллион ҳисоб шудааст.