Пирӯзии бонуи тоҷик дар мусобиқаи бокси ҳирфаӣ дар Маскав

Миҷгона Самадова, бонуи 27-солаи тоҷик, дар мусобиқаи касбии Созмони байналмилалии бокс (IBA Pro 14) дар шаҳри Маскав бар намояндаи Русия Даря Абрамоваи 35-сола ғалаба кард. Муҳориба аз шаш раунд иборат буд ва дар ҷараёни он муштзани тоҷик маҳорати хуб нишон дода, бо қарори якдилонаи доварон ғолиб дониста шуд. Ин комёбӣ қадами муҳиме дар идомаи корномаи варзишии Миҷгона Самадова дар бокси ҳирфаӣ мегардад. Бояд зикр намуд, Миҷгона Самадова дар риштаи бокси ҳаваскорӣ дар мусобиқоти байналмилалӣ ба як қатор дастовардҳо мушарраф шудааст.