Додгоҳ муҳокимаи парвандаи занозанӣ дар "Парламент"-ро оғоз кардааст

Додгоҳи шаҳри Хуҷанд баррасии парвандаи занозании пурсарусадо дар тарабхонаи “Парламент”-и ин шаҳрро оғоз кардааст. Манобеи Радиои Озодӣ рӯзи 22-юми январ гуфтаанд, ки чаҳор нафар дар додгоҳ муҳокима мешаванд. Ду нафар дар боздошт, ду тани дигар дар озодӣ будаанд. Парвандаи онҳо бар асоси кадом банди Кодекси ҷиноӣ муҳоқима мешавад, ҳанӯз маълум нест. Дар муноқиша дар ин ресторан дар рӯзи 20-уми декабри соли гузашта, наздикони сарвазири Тоҷикистон ва додситони шаҳри Бустон, ки писари мақомдори наздик ба президент аст, ширкат доштаанд.