Патент дар Русия гарон шуд. Дар кадом шаҳр чӣ қадар?

Вазорати меҳнат ва муҳоҷирати Тоҷикистон аз боло рафтани нархи патент ё иҷозатномаи кор дар шаҳрҳои калони Русия хабар додааст. Ба хабари расмӣ, соли 2026 арзонтарин патент барои муҳоҷирони меҳнатӣ дар Ҷумҳурии Чеченистон — 3 410 рубл муқаррар шудааст. Гаронтарин патент дар минтақаи Краснодар— 27 ҳазор рубл хоҳад буд. Баъди ин болотарин нархи патент дар вилоятҳои Тула — 25 ҳазор ва Липетск — қариб 22 ҳазор рубл таъйин шудааст. Имсол дар пойтахти Русия шаҳри Маскав муҳоҷироне, ки бо патент кор мекунанд бояд ҳар моҳ 10 ҳазор рубл супоранд.