Пирӯзии футболбозони навраси тоҷик дар ду бозии санҷишӣ дар Дубай

Дастаи мунтахаби футболи наврасони то 17-солаи Тоҷикистон зери раҳбарии сармураббӣ Далер Каёсов дар доираи омодагиҳо ба қисми ниҳоии Ҷоми Осиё-2026 дар шаҳри Дубай ду бозии санҷишӣ анҷом дод. Ба иттилои Федератсияи футболи Тоҷикистон (ФФТ), наврасони тоҷик нахуст бозии санҷиширо 13-уми январ бо ҳамсолонашон аз Арабистони Саудӣ баргузор карданд. Вақти асосии дидор бо ҳисоби 1:1 хотима ёфт. Голи мунтахаби Тоҷикистонро нимҳимоятгар Меҳрубон Одилзода зад. Ғолиби рақобат дар силсилаи пеналти муайян шуда, наврасони тоҷик бо ҳисоби 10:9 пирӯз гаштанд.