Навраси тоҷик дар Русия 5 сол аз озодӣ маҳрум шуд

Додгоҳе дар Русия як зодаи 17-солаи Тоҷикистонро бо иттиҳоми узвият дар гуруҳи тундрави “Давлати исломӣ” панҷуним сол аз озодӣ маҳрум кард. Расонаҳои русӣ, 15-уми январ навиштанд, ин зодаи Тоҷикистон ба гуруҳи тундрави “Давлати исломӣ” савганди садоқат ёд карда, дар телеграм-каналаш ба тарафдории террористон таблиғот бурдааст. Падари ин наврас пеш аз содир шудани ҳукм аз додгоҳ хостааст, ки писарашро ҷазои сахт надиҳанд. Ба гуфтаи падари наврас, ӯ аз он ҳайратзада шудааст, ки писараш мехост, ба Афғонистон равад.