Дар Душанбе 163 касро барои фолбинӣ ҷазо додаанд

Пулиси Душанбе мегӯяд, соли гузашта дар пойтахт 163 касро барои фолбинӣ ва ҷодугарӣ ҷазо додаанд. Ба иттилои Раёсати корҳои дохилии Душанбе, аксари онҳое, ки ба фолбинӣ ва ҷодугарӣ машғул буданд, бо қарори додгоҳ ҷарима ё то 15 шабонарӯз ҳабс шуданд. Аммо ба гуфтаи мақомот, нисбати 14 нафари дигар, ки такроран ба фолбинӣ ва ҷодугарӣ даст заданд, парвандаи ҷиноятӣ боз шудааст. Назари ин афроде, ки ба фолбинӣ гунаҳкор шудаанд маълум нест. Пайвандони бархе аз ин боздоштшудаҳо гуфтанд, хешовандони онҳо ҷодугар ё фолбин набуданд...