Маҳмадрӯзӣ Искандаров пас аз 21 сол аз зиндон озод шуд

Маҳмадрӯзӣ Искандаров, собиқ раиси Ҳизби демократи Тоҷикистон пас аз 21 сол адои ҷазо аз зиндон раҳо шуд. Темур Тошев, бародари Маҳмадрӯзӣ Искандаров рӯзи 27 декабр ба Радиои Озодӣ гуфт, ки ӯ ҳоло дар озодӣ аст ва дар назди пайвандонаш мебошад. Ба гуфтаи Темур Тошев, мақомот бародарашро соати панҷи субҳи имрӯз аз зиндон раҳо карданд. Мақомот то кунун дар бораи раҳоии ин сиёсатмадори шинохта ибрози назар накардаанд. Маҳмадрӯзӣ Искандаров аз фармондеҳи Иттиҳоди пешини нерӯҳои оппозитсиюни тоҷик, пас...