Дар Сангвор як падарро барои носкашии писараш ҷарима карданд

Додгоҳи ноҳияи Сангвор як сокини ин ноҳияро бо гуноҳи “тарбияи нодуруст” ва носкашии писараш бештар аз 1000 сомонӣ ҷарима бастааст. Дар баёнияи расмии додгоҳ, ки ҳафтаи гузашта нашр шуд, омадааст, ки сокини ноҳияи А.С.Ш бар хилофи қонун «Дар бораи масъулият барои таълиму тарбияи кӯдак» нисбат ба таълиму тарбияи фарзанди 17-солааш беэътиноӣ зоҳир кардааст ва “ӯ аз ин бемасъулиятӣ истифода бурда, ба истеъмоли маҳсулоти тамоку(нос) машғул шуда, онро бо худаш гирифта гаштааст.” Додгоҳ нагуфтааст, ки ин ҳодиса кай рух додааст,.