Трамп барои молҳои Чин 100 дарсад боҷи гумрукӣ ҷорӣ мекунад

Президенти Амрико Доналд Трамп эълон кард, ки аз 1-уми ноябр ба молу маҳсулоте, ки аз Чин ворид мешаванд, 100 дарсад боҷ мебандад. Ин тасмим пас аз он эълон шуд, ки Чин барои содироти металҳои нодир назорати сахт ҷорӣ кард. Доналд Трамп дар саҳифаи иҷтимоии худ Truth Social навишт, "Иёлоти Муттаҳида ба молҳои Чин боҷҳои 100 дарсадӣ ҷорӣ хоҳад кард, бар иловаи ҳар гуна таърифаҳое, ки ҳоло пардохт мекунад". Трамп ҳушдор додааст, ки бо назардошти амалкарди Чин дар ин замина метавонанд таърифаҳо барвақтар аз санаи 1-уми ноябр иҷро шаванд.