Маълумоти муҳоҷироне, ки баъди ихроҷ ном иваз карданд, ба ФСБ меравад

Вазорати корҳои дохилии Русия аз ин ба баъд маълумоти муҳоҷиронеро, ки пас аз ихроҷ ному насаби худро иваз карда, дубора ба ин кишвар ворид мешаванд, ба Хадамоти махсуси бехатарӣ ё ФСБ, ирсол мекунад. Хабаргузории русии ТАСС бо истинод ба тартиби навшудаи қабули қарори ҳукумат дар дар бораи манъи вуруд, менависад, ки Вазорати корҳои дохилӣ ва мақомоти марзбонӣ бояд аз 1 марти соли 2026 ба ФСБ маълумот дар бораи тағйири насаб, ном, номи падар ё санаи таваллуди шаҳрвандони хориҷиеро, ки аллакай вурудашон ба ин кишвар манъ аст, пешниҳод кунанд.