"305 ҳазор сомонӣ гирифт." Боздошти корманди пулис ва "шарикони ҷиноятпешааш"

Оҷонсии зидди фасоди Тоҷикистон аз боздошти як корманди Раёсати кофтукоби ҷиноятии Вазорати корҳои дохилӣ хабар додааст. Ба иттилои ин ниҳод, Наимов Д.М. "қасдан ва бо мақсади ба даст овардани фоидаи муфт дар асоси маслиҳати пешакӣ бо якчанд шарикони ҷиноятпешаи худ" аз наздикони ду боздоштшуда 305 ҳазор сомонӣ гирифтаанд. Оҷонсии зидди фасод мегӯяд, Наимов ва шариконаш наздикони ду нафарро бо он тарсондаанд, ки нисбати хешовандонашон бо иттиҳоми хариду фурӯши маводи мухаддир парванда мекушоянд.