Дар Қирғизистон даҳ тифли эмнашуда аз бемории сурхакон ҷон додаанд

Дар Қирғизистон дар давоми шаш моҳи аввали соли ҷорӣ 10 кӯдак аз бемории сурхакон ҷон додааст. Шаш кӯдак то яксола, дуи дигар як то панҷсола ва ду нафари дигар аз 8-сола боло буданд. Маркази ҷумҳуриявии иммунопрофилактикӣ гуфтааст, ҳамаи кӯдакони даргузашта аз бемории сурхча эм нашуда буданд. Гулзода Даданова, намояндаи ин муассиса ба Радиои Азаттик гуфтааст, ки дар давоми соли ҷорӣ дар Қирғизистон 8572 ҳолати гирифторӣ бо бемории сурхча ба қайд гирифта шуда, бештарин омор дар шаҳри Бишкек сабт гардидааст.