КДАМ-и Қирғизистон гурӯҳи калони қочоқчии силоҳро боздошт кард

Кумитаи давлатии амнияти миллии Қирғизистон аз боздошти як гуруҳи созмонёфтаи ҷиноие хабар дод, ки ба гуфтаи кумита ба қочоқи силоҳу муҳимоти ҷангӣ муттаҳам мешаванд. Нӯҳ нафар аз узви ин гуруҳ ба он муттаҳам мешаванд, ки бо баҳонаи истифодаи аслиҳа дар замони муноқиша бо Тоҷикистон дар се соли пеш норинҷак ва дигар муҳимоти ҷангиро дуздида ба муштариёнашон мефурӯхтаанд. Ба қавли Кумитаи амнияти миллии Қирғизистон яке аз аъзои гуруҳ аз афсарони феълӣ ва дигаре - узви собиқи неруҳои марзбонии кишвар будаанд.