Ҳушдор аз гармои тоқатфарсо дар Тоҷикистон

Идораи ҳавошиносии Тоҷикистон аз омадани ҳавои гарми тоқатфарсо то марзи 50 дараҷа дар кишвар ҳушдор додааст. Дар иттилоияе, ки Идораи обуҳавошиносӣ нашр кардааст, гуфта мешавад, ки аз рӯзи 3-ум то 7-уми июл ба сабаби ворид шудани анбӯҳи ҳавои гарм, дар вилояти Хатлон ҳарорат аз 42 то ба 47 дараҷа мерасад. Дар ноҳияҳои тобеи марказ ва вилояти Суғд ҳаво то 43 дараҷа гарм мешавад ва шарқи кишвар ҳам, ки умдатан ҳарорати муътадил дорад, мардум ҳам бояд аз гармии то 42-дараҷаӣ дар сояҳо паноҳ баранд.