Боздошти касе, ки ба зиндон маблағ бурданӣ буд

Додгоҳи шаҳри Хуҷанд як нафарро барои кӯшиши ворид кардани маблағ ба дохили маҳбас ҷазо додааст. Ба иттилои Додгоҳи Хуҷанд, моҳи апрели имсол У.М. мехост барои дидорбинии кутоҳ ба назди ҷиянаш ба маҳбаси 3/5-и шаҳри Хуҷанд дарояд. Манбаъ мегӯяд, дар вақти ворид шудан ба зиндон аз ҷайби ин нафар 460 сомонӣ ёфтанд. Моддаи 472-и Кодекси ҳуқуқвайронкунии маъмурӣ, "ғайриқонунӣ ворид кардани ашёи манъшуда"-ро ба зиндон ва боздоштгоҳҳо манъ кардааст. Дар ин банди қонун "ашёи манъшуда" мушаххасан зикр нашудааст.