Дар Тоҷикистон молиёт барои сигорро ду баробар боло бурданд

Дар Тоҷикистон меъёри андози аксиз барои маҳсулоти аз тамоку истеҳсолшаванда, аз ҷумла, сигор ду баробар зиёд шуд. Қарори ҳукумат дар ин бора охири моҳи май тасвиб шудааст. Бар асоси тартиби нав, минбаъд аз ҳазор дона сигор ё маҳсулоти ивазкунандаи он, 17 евро (195 сомонӣ) андози аксиз ситонида мешавад. То ин вақт аксиз барои ин намуд маҳсулоти тамоку 8,5 евро (97 сомонӣ) буд. Инчунин минбаъд аз ҳазор дона сигарет 19 евро ( 218 сомонӣ) андози аксиз гирифта мешавад. Қаблан ҳаҷми ин навъ молиёт барои сигарет 9,8 евро (112 сомонӣ) буд.