Куштори духтари 17-солаи блогер дар Покистон хашми занонро барангехт

Дар Покистон куштори духтари 17-солае, ки чун блогери интернетӣ маъруф буд, хашми занонро барангехт. Сано Юсуфро дар дохили манзилаш дар шаҳри Исломобод рӯзи 2 июн аз тири туфанг ба ҳалокат расониданд. Полис гуфт, ки дар робита бо ин куштор марди 22-солаеро боздошт намуд. Зоҳиран, Сано Юсуф пешниҳоди дӯстии ин ҷавонро рад карда буд. Ин ҳодиса бисёр занонро дар Покистон, ки 240 миллион ҷамъият дорад, ба хашм овард, чун ҳодисаҳои хушунат, азияту озори занону духтарон дар ин кишвар мушкили дерина мебошад.