Рустами Эмомалӣ дар Маскав бо Путин мулоқот кард

Рустами Эмомалӣ, раиси Маҷлиси миллии Маҷлиси олии Тоҷикистон ва раиси шаҳри Душанбе бо Владимир Путин, президенти Русия, мулоқот кардааст. Дар ин бора саҳфаи Маҷлиси миллӣ дар "Фейсбук" хабар дод. Ин мулоқот шоми 28-уми май дар Кремл баргузор шудааст. Ба иттилои манбаъ, ҷонибҳо масъалаҳои вобаста ба муҳоҷирати меҳнатиро баррасӣ кардаанд. "Равона сохтани талошҳо барои ҳалли ҷанбаҳои ҳалталаби соҳаи муҳоҷират, яке аз мавзӯъҳои суҳбати ҷонибҳо буд",-омадааст дар хабар. Дар ин бора тафсилоти бештар дода нашудааст.