Кобулов гуфт, ки Русия бо Толибон зидди ДОИШ ҳамкорӣ мекунад

Замир Кобулов, намояндаи вижаи Русия барои Афғонистон мегӯяд, Маскав омодааст, ки дар мубориза алайҳи гурӯҳи "Давлати исломӣ" ё ДОИШ, бо ҳукумати Толибон ҳамкорӣ кунад. Ӯ ба хабаргузории русии РИА Новости гуфтааст, ки ДОИШ душмани муштараки Кобул ва Маскав аст. Замир Кобул афзуд, ки Русия аз муборизаи ҳукумати Толибон алайҳи "Шохаи Хуросон"-и ДОИШ, ситоиш мекунад. Намояндаи вижаи Русия дар умури Афғонистон бидуни додани ҷузъиёти бештар гуфт, ки Русия аз роҳҳои махсус бо мақомоти Толибон дар ин замина кӯмак ва ҳамкорӣ хоҳад кард.