Сабти як заминларзаи дигар дар ҳудуди Тоҷикистон

Як заминларзаи дигар субҳи 14-уми апрел баъзе аз гӯшаҳои Тоҷикистонро такон дод. Хадамоти геофизикии Академияи миллии илмҳо гуфт, маркази заминларза 18-километрии шарқи ноҳияи Рашт (156-километрии шимолу шарқи Душанбе) будааст. Тибқи итилои манбаъ, қувваи заминларза дар марказаш 3-4 дараҷа ва дар минтақаи Рашт 3 дараҷаро ташкил дод. Кумитаи ҳолатҳои фавқулода мегӯяд, "дар натиҷаи ин заминларза талафот сабт нашудааст". Дар заминларзаи як рӯз пеш (13-уми апрел) як кӯдаки сесола ҷон бохта, садҳо хона осеб дидаанд.