«Истиқлол» бори дувоздаҳум қаҳрамони Тоҷикистон шуд

Дастаи «Истиқлол»-и Душанбе, ки дар бозии мавқуфмондаи даври сеюми марҳилаи сеюми қаҳрамонии футболи Тоҷикистон тими «Кӯктош»-и Рӯдакиро бо ҳисоби 4:1 шикаст дод, пешакӣ соҳиби медалҳои тиллои мусобиқот гардид. Бозии марҳилаи сеюми мусобиқоти лигаи олӣ дар гурӯҳи “А” миёнидастаҳои «Истиқлол» ва «Кӯктош» шоми имрӯз, 1-уми декабр, дар Варзишгоҳи марказии Душанбе ба поён расид. Нимҳимоятгар Алишер Ҷалилов, сарвони дастаи “Истиқлол”, дар охири нимаи аввали дидор, дар дақиқаи 40-ум, ҳисобро боз кард.