Maqedonci i quan të “papërgjegjshme” deklaratat e gjeneralit serb për FSK-në

Ministri i Mbrojtjes i Kosovës, Ejup Maqedonci, i ka quajtur si “të pavërteta dhe të papërgjegjshme” deklaratat e kreut të ushtrisë serbe se shndërrimi në ushtri i Forcës së Sigurisë së Kosovës (FSK) mund të përbëjë kërcënim për komunitetin serb në vend. Kreu i ushtrisë serbe, gjenerali Millan Mojsilloviq, kishte thënë për gazetën Politika se fuqizimi dhe modernizimi i FSK-së kishte “karakter kërcënues” për serbët e Kosovës dhe se “nuk i kontribuon paqes”. Në një reagim në Facebook të hënën, Maqedonci i hodhi poshtë pretendimet e tij...