Në Kosovë kërkohen për masakrën në Mejë, në Serbi janë figura publike

Banka e të akuzuarve në sallën e gjyqit në Prishtinë ishte e zbrazët kur nisi gjykimi për krimet e luftës, të kryera mbi 25 vjet më parë nga forcat ushtarake dhe policore serbe, në Mejë të Gjakovës. Nga mesi i qershorit, të akuzuarit po gjykohen në mungesë, pasi nuk janë në dispozicion të drejtësisë kosovare. Kundër tyre është lëshuar edhe një fletarrestim ndërkombëtar. Beogradi zyrtar, tash për tash, hesht. Ushtria e Serbisë thotë për Radion Evropa e Lirë se “nuk ka informacion” në lidhje me pjesëtarët...