Masakra e Mejës: Nis gjykimi në mungesë i 53 personave

Në Gjykatën Themelore në Prishtinë nisi më 16 qershor gjykimi në mungesë i Momir Stojanoviqit dhe 52 të tjerëve, të akuzuar për masakrën e Mejës. Forcat serbe akuzohen për vrasjen e së paku 370 civilëve shqiptarë në këtë dhe fshatra të tjerë të Gjakovës, në prill të vitit 1999. Gjykata tha se nuk ka informacion se ku ndodhen të akuzuarit, ndërsa ata u përfaqësuan nga avokatët. Për një të akuzuar u tha se është i vdekur.