Mali i Zi paguan 1.6 milion euro për familjet e viktimave civile të luftërave në vitet ’90

Qeveria e Malit të Zi do të paguajë 1.6 milionë euro si kompensim për familjet e viktimave civile të luftërave në vitet ’90. Me këtë vendim, Mali i Zi “korrigjon një padrejtësi shumëvjeçare”, deklaroi kryeministri malazias, Millojko Spajiq, pas mbledhjes së Qeverisë të mbajtur më 25 prill. Vendimi u ndërmor dy muaj pasi Kuvendi i Malit të Zi votoi për ndryshime në Ligjin për mbrojtjen e veteranëve dhe invalidëve, ndryshime të cilat u japin të drejtë familjeve të viktimave civile të luftës për kompensim ose ndihmë sociale.