Një tërmet i fuqishëm godet afër brigjeve të Stambollit

Një tërmet prej 6.2 ballësh ka goditur Detin Marmara, afër Stambollit, teksa dridhjet e tokës janë ndier në mbarë qytetin. Ende nuk ka raportime për të lënduar apo dëme, por zyrtarët nga agjencia për menaxhimin e fatkeqësive në Turqi, AFAD, thanë se tërmeti i fuqishëm u pasua me tetë tërmete të tjera. “Një tërmet prej 6.2 ballësh ka goditur në Silivri, Deti i Marmarasë në Stamboll”, shkroi në X ministri i Brendshëm, Ali Yerlikaya, i cili shtoi se dridhjet e tokës u ndien edhe në provincat përreth.