I mbijetuari i dhunës seksuale gjatë luftës në Kosovë: Turpi nuk është i yni

“Vdekja për mua do të ishte paqe”, tha Ramadan Nishori, burri i parë që publikisht më 14 prill e ka pranoi se është dhunuar nga forcat serbe gjatë luftës së fundit në Kosovë. Në vitin 1998, në stacionin policor të Drenasit, Nishori, që atëbotë ishte ishte 22 vjeç, tha se u dhunua nga policët serb. Ai tha se një përvojë e tillë “nuk harrohet kurrë”. “Dy policë serbë më futën me forcë në një banjë dhe njëri prej tyre me dhunoi seksualisht. Të njëjtit më kërcënuan të mos tregojë asgjë për këtë krim”, rrëfeu ai.